Handgemaakte geskenke

Geskenk idees

Kategorië

Vlooi lys Handgemaakte Suid-Afrikaanse produkte en geskenke. Uitgesoek en deur kunstige verskaffers.  Vakmanskap of dan artisin produkte is ons voorkeur!!  Handgemaak uit leer, hout, staal, linne, keramiek en baie meer!! Hier is iets vir almal, van baba’s, kinders, peuters en volwassenes.  Ons produkte sluit eenvoudige handwerk tot vakmanskap (bv. messe) in! Jy kan kies en keur, hier is iets vir elke geur!

Alles uniek, outentiek, kreatief – jou hart se dief!

In 1999 is Vlooi begin as ‘n webwerf wat gratis advertensies gedoen het vir Handgemaakte Suid-Afrikaanse produkte of crafts. Dit was eenvoudig maar effektief en heeltemal gratis. Baie mense het produkte gehad om te verkoop maar advertensie kostes was redelik hoog. Vir Suid-Afrikaners is alles duur, en my leuse is: Maak rande met jou hande | Turning passion into profit. Hoe doen jy dit as alles duur is? 

Vandag is Vlooi steeds besig om mense te help om aanlyn besigheid te doen, en “amper” gratis. Om jou eie aanlyn winkel te hê gaan jou ten minste R1200 net aan lidmaatskap kos, en dan is daar nog geen ander kostes bereken nie. Vlooi maak dit dus steeds moontlik vir verkopers om produkte iewers in ‘n winkel – hul eie winkel – aanlyn te vertoon teen ‘n heel bekostigbare prys. 

Hoe dan nou anders … dit is mos my passie in die lewe: om Suid-Afrikaners te bemagtig met hulle vaardighede. 

Hoe werk dit? In ‘n neutedop. 

Jy doen aansoek, registreer as verkoper, neem stunning foto’s en begin verkoop teen ‘n 11% fooi wat alle ander verskuilde kostes ook soos die transaksiefooie,  uitbetalings en kommissie insluit.HandgemaakIte Suid-Afrikaanse produkte. 

Voordele van ‘n aanlyn winkel: Daar is tonne handgemaakte produkte te koop op ander sosiale media platforms, maar dan is daar ook tonne ditjies en datjies om deur te blaai wat jy glad nie wil koop of in belangstel nie. Vlooi is tuiste van kwaliteit Suid-Afrikaanse produkte. 

Verskaffers word gekeur, en indien produkte met swak foto’s opgemerk word, word dit afgehaal. Hoekom? Want dit maak afbreek aan jou mooi kwaliteit produk met ordentlike foto’s.  Jy kan dus weet dat wie saam jou op vlooi verkoop, net soos jy moeite doen en kwaliteit produkte laai. So maak jy rande met jou hande | Turning passion into profit!

e-Tydskrif: In Desember gee ek ‘n e-tydskrif uit wat net Handgemaakte produkte lys. Adverteerders op Vlooi kry gratis spasie. Dit is sommer ‘n lekker geleentheid om jouself te bemark en jou produkte in posbusse reg oor die land te kry. Teken aan, lys jou produke en hou ons nuusbrief dop! Alle inligting sal hier deurgegee word.